18-Mar-2016 6:31:32:am

(Paskanchya vellar avmo’rye bo’dlak)

V) So’rgachye Ranniye, ul’las pav,|
So’rvespo’rak jo’y, jo’y! (Al’leluya)
R) Kityak zaka vhavonvk tuka favo zal’lem,|
So’rvespo’rak jo’y, jo’y! (Al’leluya)

V) To apnnem sango’l’lye po’rim jivo’nt zala,|
So’rvespo’rak jo’y, jo’y! (Al’leluya)
R) Amam paso’t Deva lagim mag,|
So’rvespo’rak jo’y, jo’y! (Al’leluya)

V) So’ntos ani ul’las pav,| ankvari Mo’riye,|
So’rvespo’rak jo’y, jo’y! (Al’leluya)
R) Kityak Somi kho’roch jivo’nt zala,|
So’rvespo’rak jo’y, jo’y! (Al’leluya)

Prarthunya

E Deva,| Tujya Puta amchya Somya Jezu Kristachya
jivo’ntpo’nna vo’rvim | so’nvsar so’ntosanvk tunvem
do’ya keli;| tachye maye ankvar Mo’riye marifo’t |
sasnnachye jinniyecho so’ntos | amkam labo’so ko’r
mho’nn ami magtanv.| Tyach Krista, amchya Somya
marifo’t.| Amen.

13-Mar-2016 6:31:47:pm

V) Somyachya bhoddvyan Mo’riyek bo’ri kho’bo’r
haddli
R) Ani Po’vitr O’tmya vo’rvim ti go’rbhest zali.
No’man Mo’riye...
V) O’blle! Somyachi chako’rn,
R) Tujya so’bda po’rmannem | mho’jye tho’ny zanv.
No’man Mo’riye...
V) Ani Devacho put mo’nis zalo,
R) Ani amchye mo’dhem jiyelo.
No’man Mo’riye...
V) Bhagevo’nti Devachye Maye | amam paso’t vino’ti
ko’r.
R) Kristachim bhasvnnim amkam favo zanvchye khatir.

                   Prarthunyam
Ye Somya, | bhoddvyan bo’ri kho’bo’r dil’lye vo’rvim
tujya putan, Kristan | mo’n’shapo’nn gheto’l’lem ami
zanna zalyanv. | Tachya ko’shttam ani khursa vo’rvim |
jivo’ntpo’nnachya ano’ndak ami pavo’shem | tuji kurpa
amchya o’nto’sko’rnamni vot mho’nn | ami magtanv. |
Tyach Krista amchya Somya marifo’t. | Amen.
Mo’hima Bapak... (tin pavttim)

4-Mar-2016 7:24:13:pm

Mhojya Deva, | sogllya mho’jya kallzan | so’rv mho’jya
patkanchi hanv duk dho’rtam | ani tim kanttalltam, | kityak
tanchye vo’rvim | tuji nitichi shiksha mhaka favo zali, | punn
cho’dd ko’run | tuka bhov bo’rya | ani so’rv vo’stum pras
cho’dd mog favo zal’lya Devak | hanvem o’kman kelo. |
Dekun tujye kurpechya adharan | ani mukar pato’k
ko’rinam mho’nn | ani patkache so’mo’ye chuko’yto’lom/
lim mho’nn | thir nichev ko’rtam. | Amen.

22-Feb-2016 7:44:00:pm

So’rvespo’ra Deva, | so’rv vo’stum pras cho’dd | hanv
tuzo mog ko’rtam | ani tujye paso’t mho’jya pelyacho
hanv mog ko’rtam, | kityak tum vo’rto, o’po’rimit ani
so’rv bo’ro | ani so’rv mog tuka favo, | hya mogant
jiyenvk ani mo’runk | hanv khushi vho’rtam. | Amen

17-Feb-2016 9:41:13:pm

So’rvespo’ra Deva, | tujye kurpen | so’rv mho’jya
patkanchem bhogso’nnem | ani hye jinniye uprant | sasnnik
sukh zoddto’lom/lim mho’nn | hanv bho’rvo’stam, | kityak
tum so’rv po’dvedar, visvashi, do’yall ani kakulltdar | ani
tunvem tem bhasaylam. | Hya bho’rvo’shyant jiyenvk ani
mo’runk |hanv khushi vho’rtam. | Amen.

17-Feb-2016 9:40:03:pm

So’rvespo’ra Deva | tum eko’ch Dev | ani eka Deva
tho’ny teg zo’nn | Bap ani Put ani Po’vitr O’tmo mho’nn
| hanv thir so’tman’tam. | Tuzo deivik Put mo’nis zalo |
ani amchya patkam khatir melo | ani jivyanchi ani
mel’lyanchi munsubiko’runk yeto’lo mho’nn | hanv
so’tman’tam. |

Him so’tam | ani ko’tholik po’vitr so’bha
shiko’yta tim so’rv so’tam | hanv so’tman’tam ani
uchartam, | kityak tum sasnnik so’t ani zannvay | ani
tunvem tim ugddapim kelyant. | tum fo’tto’ynany va
fo’ttvon po’ddo’nany. | Hya bhavarthant jiyenvk ani
mo’runk hanv khushi vho’rtam. | Amen.

17-Feb-2016 9:17:33:pm

So’tman’tam Devak | So’rv po’dvedara Bapak |
so’rga ani pritumichya ro’chnarak | ani Jezu Kristak |
tachya eklyach Putak, amchya Somyak | to Po’vitr O’tmya
vo’rvim go’rbhim so’mbho’vlo | ankvar Mo’riye thavn
zo’lmo’lo | Pon’s Pilata khal tannem ko’shtt sosle | taka
khursar zoddlo, to melo, ani taka nikepilo | To mel’lyam
mo’dhem denvlo | Tisrya disa mel’lyantlo jivo’nt zalo |
So’rgar cho’ddlo, so’rv po’dvedar Deva Bapachya
uzvyak bo’sla | Tho’ny thavn jivyam ani mel’lyanchi
munsubi ko’runk yeto’lo.

So’tman’tam Po’vitr O’tmyak | ko’tholik po’vitr so’bhek
| bho’ktancho ektar | patkanchem bhogso’nnem |
kuddichem jivo’ntpo’nn | sasnnachem jivit | Amen

17-Feb-2016 9:04:45:pm

Santa Khursachi Kuru
Bhagevo’nt khursachye kurven|nivar amkam amchya Deva| amchya dusmanantlim.

Bapachye|ani Putachye| ani Po’vitr O’tmyachye nanvim|
Amen.

Mohima Bapak
Mo’hima Bapak| ani Putak| ani Po’vitr O’tmyak| Zo’xi adim| to’shich atam| ani so’dam so’rvo’dam| Amen.

Amchya Bapa
Amchya Bapa, so’rginchya| tujem nanv po’vitr zanv| tujem raz amkam yenv| tuji khushi so’rgar zata| to’shi so’nvsarant zanv.

Amcho dispo’ddto gras az amkam di| ani ami amcher chuklo’lyank bhogshitanv| to’shem amchim patkam bhogo’s| Ani amkam tallnent po’ddunk dinv naka| punn vayttantlim amkam nivar| Amen.

Bhoddvyacho No’man
No’man Mo’riye, kurpen bhorlo’le| Somi tujye sangata| striyam bhito’r tum so’denv| ani so’denvi fo’ll tujye kushichem Jezu.

Bhagevo’nti Mo’riye, Devachye maye| amam papiyam khatir vino’ti ko’r| atam ani amchya mo’rnnachye kallim.
Amen.